Næsta æfing er þriðjudaginn 1. apríl:
kl. 17:00 á slaginu frá Össuri, Grjóthálsi 5:​

​

Glúfurdalur Esju 

um Búahamra, Þverfell, Langahrygg og Stein

​

Höfuðljós og keðjubroddar alltaf með á veturna
og vararafhlöður í bakpokann​

​

Gangan:

Um 7 km á um 2,5 - 3 klst. upp í 600 m hæð með um 660 m hækkun upp grýtta, snarpa brekkuna á Búa og svo grýtta leið baksviðsmegin á Þverfell. Langihryggur genginn upp að Steini og þaðan er svo farið niður í Gljúfurdal að Grundará og dalsbotninn þræddur niður eftir þar til farið er aftur um snarpar og grýttar brekkurnar á Búa til baka niður í bílana. 

​​​

Aksturinn:

Ekið í samfloti í um 20 mín frá Grjóthálsi að Esjubergi við fjallsrætur Esjunnar að vestan (leiðin á Kerhólakamb). Beygja þarf til hægri á hringtorginu sem vísar á Esjuberg en í stað þess að fara að þeim bæ er keyrt svolítið til baka (í suður) um hliðarveginn þar til komið er að afleggjara á vinstri hönd sem vísar á Grundará og Kerhólakamb og sá afleggjari ekinn að fjallsrótum við ána. 

​

Sameinumst í bíla og ökum í samfloti að fjallsrótum. Skiptumst á að skaffa bíl og fá far og deilum bensínkostnaði. Viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.

​

Búnaður:  

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti og 0,5 - 1 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum.  Nánari búnaðarlisti hér.

​

​Tryggingar: 
Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur, búnað né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.​​