Tvíhnúkar og Hafursfell Snæfellsnesi

Uppfært 8. apríl 2022: 

Skráðir eru 12 manns:  Arna Hrund, Bára, Bjarni, Egill, Fanney, Inga Guðrún, Jaana, Kolbeinn, Siggi, Sigrún Bj., Sjöfn Kr., Örn. 

Hámark 30 manns, lágmark 15 manns.

Nýjustu tilkynningar:

*

Verð:

Kr. 4.000 fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 6.000 fyrir klúbbmeðlimi ef ofangreindur afsláttur gildir ekki.

Kr. 8.000 fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Ferð er ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng: 

Leiðsögn:

Þjálfarar.

Brottför:

Kl. 7:00 á slaginu frá Össur, Grjóthálsi 5.

Heimkoma:

Um kl. 18 - 19:00 miðað við 1:30 klst. akstur, 7 - 8 klst. göngu og græjun við bíla fyrir og eftir göngu.

Aksturslengd:

Um 1:30 mín. 

Sameinumst í bíla og ökum í samfloti að fjallsrótum. Skiptumst á að skaffa bíl og fá far og deilum bensínkostnaði - viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð. 

Akstursleiðarlýsing:

Keyrt frá Össur Grjóthálsi 5 um Vesturlandsveg, með wc-stoppi á Olís Borgarnesi og áfram þjóðveg 1 þar til beygt er inn Snæfellsnesveg

Hæð:

Um 725 m á Tvíhnúkum og 754 m á Hafursfelli.

Hækkun:

Um 1.200 m miðað við 57 m upphafshæð en fer endanlega eftir leiðarvali, veðri, færð og hópi.

Göngulengd:

Um 16 - 20  km en fer endanlega eftir leiðarvali, veðri, færð og hópi. .

Göngutími:

Um 7 - 8 klst. en fer endanlega eftir leiðarvali, veðri, færð og hópi.

Gönguleiðin:

Gengið upp Stórahjalla vestan við bæinn Dalsmynni og inn Núpárdal vestan við Núpána með aflíðandi hækkun smám saman inn dalinn með tignarlega Skyrtunnuna og Þrífjöllin trónandi í botninum þar sem þvera þarf gil og ása. Gengið upp þéttari en vel færar brekkurnar norðan við Tvíhnúka og þeir gengnir allir fjórir til suðurs að hæsta tindi með alpakenndu útsýni allt í kring á Ljósufjöll, Botna-skyrtunnu, Skyrtunnu, Þrífjöll og Hafursfellið og svo fjær á fleiri fjallskórónur Snæfellsness. Af Tvíhnúkum er gengið niður í skarðiðog yfir á Hafursfell  á norðurtinda þess og kannað hvort fært sé yfir á hæsta tind sem verður valkvæður, þar sem farið er fram og til baka. Loks er snúið við úr skarðinu milli Tvíhnúka og Hafursfell til baka niður í dalinn og ásarnir ofan Núpár raktir til baka í bílana. 

Erfiðleikastig:

Um 3 af 6 eða fært öllum í ágætis gönguformi fyrir frekar langa en ekki tæknilega flókna leið leið, á sjaldfarna fjallstinda sem falla í skuggann á frægari fjöllum allt í kring.

Búnaður:

Sjá upptalningu undir búnaður - farið vel yfir listann og passið að hafa allan tindferðabúnað meðferðis, góða skó, hlý föt, góðan hlífðarfatnað, vettlinga og höfuðfat og höfuðljós. Keðjubroddar, jöklabroddar og ísexi nauðsynlegur búnaður allra og nauðsynlegt að vera búinn að stilla broddana á skóna sína. Rifjuð verða upp helstu atriði jöklabrodda og ísexi þegar við setjum þennan búnað á okkur. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð hér:  (2) Toppfarar.is | Facebook