Tindferð nr. 260 laugardaginn 4. mars 2023 #Snæfellsnesfjöllin
Ekkert viðraði til göngu um helgi allan febrúar mánuð og því var uppsöfnuð þörf fyrir að fara í fjallgöngu fyrstu helgina í mars... og Þorgeirsfell með öllum sínum hyrnum var markmið dagsins... en á það fjall gengum við í október árið 2016 í þoku og litlu skyggni... og því miður bauð fjallið upp á svipað veður þennan dag... enn minna skyggni en árið 2016... en sama stórkoslega landslagið... og það var algert logn og hlýtt... og auð jörð... og því var svo sannarlega verið að njóta þennan dag... þetta var svo kærkomin útivera...
Lýsuhyrna og Ánahyrna gnæfðu yfir upphafsstað göngunnar í vestri en á Lýsuhyrnu gengum við árið 2015 og þá einnig á Hrafntinnuborg og Rauðakúlur eða Smjörhnúk eftir því hvaða kort er skoðað... í svelluðu vetrarfæri þar sem ekki virtist fært yfir á Ánahyrnu... en á hana verðum við að komast einn daginn.... Tindferð 118 Lýsuhyrna (toppfarar.is)
Leið dagsins framundan hér til austurs... Þorgeirsfellið með hraunfallið úr hlíðum sínum fyrir miðri mynd... en þarna renna ótal fossar sem skreyta leiðina stórkoslega... og er þess virði að ganga reglulega hér upp til að njóta eingöngu þeirrar fossafegurðar...
Þorgeirsfellið er hvassbrýnt og margtindótt... marghyrnað í ægilegri fegurð sem verður mun stærri þegar nær er komið... þetta er eitt af okkar uppáhaldsfjöllum á Snæfellsnesi... en samt er erfitt að segja þetta... þau eru öll svo hrikalega falleg... þetta landsvæði er einstakt í sinni röð... með krúnudjásnið Snæfellsjökul trónandi út í vesturenda...
Leiðin á Þorgeirsfellið er veisla frá fyrsta skrefi... og það var nautn að ganga í sumarfæri, hlýindum og logni í byrjun mars...
Brekkurnar upp fossana var vel fær í þessu sumarfæri en taka vel í með heilmikilli hækkun allan tímann...
Fossarnir koma niður í röðum... hver öðrum fegurri alla leiðina... þetta er áhrifamikið landslag og hvergi nærri sjálfvegið í stóra samhengi heimsins...
Myndavélarnar sgöðugt á lofti...
Batman... stöðugt á nýjum fjöllum og á nýjum leiðum... en nú var hann að koma hér í annað sinn... það var gaman að sjá hann hringa ferðir eins og þessar... öllu yngri og örari árið 2016 en nú árið 2023...
Fossinn fallandi...
Bratt brölt að honum en fært...
Jú, auðvitað skoðum við þennan foss...
Stórskorið landslag... og þornaðir lækjarfarvegir...
Mergjaðir göngufélagar og magnað landslag...
Hoppað yfir nokkrar sprænur á leið að fallandi fossinum...
Komin að honum...
Bak við hann...
Maggi og Kolbeinn... það sem við erum lánsöm með klúbbfélaga...
Allir létu sig hafa þetta klöngur... ekkert væl í þessum hópi...
Fanney, Oddný, Þórkatla, Birgir, Jaana, Gulla, Kolbeinn og Maggi en Örn tók mynd og Batman og Kolka voru hundar dagsins...
Svo var að brölta til baka...
Sjá brattann...
Þetta minnti á Ingatangaleiðina á Akrafjalli...
Framhjá hér...
Komin upp á neðri brúnirnar á bröttu brekkunni...
Ofar voru slæðufossar sem var þess virði að skoða betur... í bakaleiðinni...
Náttúruorka og næring á heimsmælikvarða...
Kolka og Batman... bestu vinir... takk fyrir að kenna okkur að vera í núinu á fjöllum og vera alltaf glöð og þakklát að komast út í óbyggðirnar... það er langt í frá sjálfgefið...
Uppi var stefnt á brúnir, tinda og skörð...
Lýsuhyrna reif aðeins af sér skýin í vestri...
Stundum þynntist þokan og var eins og hún ætlaði að lyfta sér... en svo þéttist hún aftur...
Fyrsti tindurinn...
Hrikalegt landslag og mun stórbrotnara þegar nær var komið...
Erfitt að ná dýptinni...
Þessar brúnir verðum við að upplifa í góðu skyggni !
... helst með smávegis snjó yfir öllu í vetrarbyrjun...
Krókar og kimar alla leiðina upp á hæsta tind...
Heilmikið klöngur en aldrei miklar tæpistigur...
Stundum minnti þetta á Lómagnúp...
Annar tindur...
Fámennt en góðmennt... dásamlegt í svona litlum hópi þar sem allir eru í takt...
Farið neðan við suma klettana...
Stundum opnaðist aðeins út á láglendið eða niður að sjó...
Dalurinn í Þorgeirsfelli...
Áfram eftir brúnunum til austurs...
Litið til baka...
Hver hyrnan eða tindurinn á fætur öðrum eftir úfnum brúnunum...
Komin í snjólínu...
Komin langleiðina að hæsta tindi hér...
Snjórinn háll og við enduðum á að setja á okkur keðjubroddana í hliðarhallanum...
Áfram svipmiklar brúnir... sem við verðum að sjá í sól og skyggni í þriðju ferðinni hér...
Heilu tröllin og álfarnir og fylgdarlið þeirra á ferð...
Tignarleikurinn er óumdeildur á þessu fjalli...
Alltaf örugg leið samt... við skiljum ekkert í því hvers vegna fáir ganga hér upp...
Þetta er allavega eitt af okkar uppáhalds...
Einmitt þessi sýn hér segir allt um svip Þorgeirsfells...
Það var ekki annað hægt en vera glaður og þakklátur... þó það væri þoka...
Maggi að fagna á hæsta tindi í 627 m hæð...
Komin á hæsta og síðasta tind dagsins... Gulla, Fanney, Þórkatla, Jaana, Silla, Kolbeinn, Oddný, Birgir og Maggi... með Kolku og Batman hlýðna á hópmyndinni líka... Bára í hnémeiðslum heima...
Til baka var farið um dalinn í snjó til að byrja með...
Snjórinn kringum frostmark og þá sest hann endalaust utan á broddana...
Komin úr snjólínu...
... niður í vorið...
Þessi haggaðist ekki !
Sýn til sjávar í smá stund... mögnuð kyrrð og einstök fegurð í svona veðri...
Slæðufossarnir á niðurleiðinni skoðaðir vel...
Einstakt landslag... si svona ein í heiminum á svona fjalli... hvílík forréttindi...
Við gáfum okkur góðan tíma til að njóta nærumhverfisins úr því þokan tók af okkur útsýnið fjær...
Á heimsmælikvarða og ekkert minna...
Bara þessi brekka í þessum fossum... er þess virði að upplifa...
Stórskorið allan tímann...
Allar tegundir af fossum... happdrættisvinningur að fá svona ferðir á saklausum laugardegi... næringin fyrir sál og líkama er ómetanleg...
Lyngið fallegt í vorlegu veðrinu...
Þorgeirsfellið með Þorgeirshyrnu hér fremsta ef svo má segja... spurning hvaða hyrna það sé nákvæmlega ef maður lítur svo á að þetta fjall heiti Þorgeirsfell... þjálfari hreinlega gleymdi að bera þetta undir heimamenn þegar við hringdum við að fá leyfi til að keyra að bænum og leggja bílunum... hyrnan innst og hæst er merkt Þorgeirshyrna á gps-kortinu okkar... og svo má smá örnefnið Miðhyrna neðar á kortinu, líklega ranglega staðsett... það eru allavega þrjár hyrnur fyrir utan hinar svössu brúnirnar...
Lýsuhyrna í seilingarfjarlægð frá bílastæðinu... við þurfum að fara að endurtaka göngu á hana... frá árinu 2015... sú ferð var ein af flottustu ferðunum... eins og svo margar aðrar...
Takk fyrir okkur Þorgeirsfell... og takk þið sem mættuð og gáfuð yndissamveru þennan dag... ómetanlegt !
Alls 10,5 km á 5:04 klst. upp í 627 m hæð með alls 819 m hækkun úr 29 m upphafshæð. Fyrri slóð á þetta fjall þar sem nú var sneitt af krókurinn niður dalinn að Tinhyrnu þar sem snúið var hvort eð er þá þar sem engin góð leið fannst þar niður fyrir hópinn: Wikiloc | Þorgeirsfell / Þorgeirshyrna Snæfellsnesi 151016 Trail
Commentaires