Æfing nr. 825 þriðjudaginn 29. október 2024
Spáð var rigningu og roki þetta kvöld... reyndar var spáin orðin samt þurrari þegar leið á daginn... og það rættist vel... við fengum skínandi gott gönguveður, litla úrkomu og hlýja golu... þetta var ekki yfir 10 m/sek eins og spáin sagði lengi vel... svo við fengum algera yndisgöngu úr þessu fallega svæði sem naut sín þó takmarkað í myrkrinu... en einhvers staðar verðum við að vera á þessum árstíma... veturinn er töfrar... það er óskaplega dýrmætt að hörfa ekki og gefast upp yfir dimmasta tíma ársins... því þá er útiveran minni en á bjartari tíma ársins... og gott að hafa góða félaga vísa sem mæta og njóta í myrkrinu...
Alls 7,1 km á 2:24 klst. upp í 313 m hæð með alls 344 m hækkun úr 77 m upphafshæð...
Dásamlegur félagsskapur og spjall á heimsmælikvarða... það er bara svoleiðis... áfram við á þriðjudögum !
Ljósmyndir og nafnalisti hér fyrir neðan undir hópmyndinni:
Mættir voru 12 manns:
Örn, Sighvatur, Kolbeinn, Olli, Aníta, Linda, Siggi, Jóhanna Fríða, Björg, Katrín Kj., og Guðmundur Jón með Batman og Baltasar fyrir framan hópinn en Bára tók mynd.
Norðurljósin blöstu svo við á bílastæðinu í lok göngunnar... frábært kvöld sem vel rættist úr og minnti enn og aftur á... að maður á bara að mæta og ganga... sama hvað veðurspáin segir... þetta er alltaf dásamlegt :-)
Comments